სოფელ ცდოში მიმდინარე აქციის დროს ერთი მოქალაქე დააკავეს

დაკავება ყაზბეგის რაიონის სოფელ ცდოში - პოლიციამ ადგილობრივი იმ დროს აიყვანა, როდესაც მოსახლეობა მაღალი ძაბვის სადენების გაყვანის სამუშაოების წინააღმდეგ აქციას მართავდა. 

შეგახსენებთ, აღნიშნული სოფელი მიგრაციის პრობლემის წინაშე მას შემდეგ დადგა, რაც 220-მეგავატიანი სიმძლავრის სადენების გაყვანა ენერგეტიკის სამინისტრომ სოფლის შუაგულში დაიწყო. 

აქციის მონაწილეების თქმით, დაკავებული მცხეთა-მთიანეთის რაიონულ პოლიციაშია გადაყვანილი. 

შინაგან საქმეთა სამინისტროს ინფორმაციით, სოფელ ცდოს მკვიდრი პოლიციელის მოთხოვნისადმი დაუმორჩილებლობის გამო აიყვანეს, რაც ადმინისტრაციული სამართალდარღვევაა, ჯარიმის გადახდას ითვალისწინებს.